Հովանավորչություն

Յունիբանկը սկսել է դպրոցների բարեկարգման և կահավորման ֆինանսավորման ծրագրի իրականացում: Բանկի աջակցությամբ մարզերի, հատկապես՝ սահմանամերձ գոտիներում գտնվող դպրոցներում կկառուցվեն ժամանակակից կրթության պահանջներին համապատասխան համակարգչային դասասենյակներ: Այդ կերպ բանկը նպաստում է որակյալ կրթության և ուսումնական գործընթացի արդյունավետության բարձրացմանը:

Յունիբանկը մասնակցել է «Նվիրիր կյանք» հիմնադրամի և Հայ օգնության ֆոնդի ծրագրերին, իրականացրել է երևանյան և մարզային դպրոցների բարեկարգման ծրագիր:

Բանկը հանդիսացել է Ջիվան Գասպարյանի 80-ամյա հոբելյանին նվիրված համերգաշարի հովանավոր, աջակցություն է ցուցաբերել դուդուկի դպրոցի ստեղծմանը:

Յունիբանկը հանդիսանում էր Արթուր Աբրահամի մենամարտերի հեռարձակման հովանավորը Հայաստանում:

Ավանդաբար Յունիբանկն իր աջակցությունն է տրամադրում «Էրեբունի-Երևան» տոնակատարության միջոցառումների կազմակերպմանը:

Յունիբանկը և Հայաստանի Պետական Երիտասարդական նվագախումբն ազդարարեցին Ա. Սպենդիարյանի անվան Օպերայի և Բալետի Ազգային Թատրոնի 2015-2016թթ. համերգաշրջանի բացումը:
Բանկը հանդես է եկել որպես Հայաստանի պետական ֆիլհարմոնիային հովանավոր:

Յունիբանկն ակտիվ աջակցում է «Հայաստան» համահայկական հիմնադրամի ամենամյա մարաթոներին:

Յունիբանկը մասնակցություն ցուցաբերել Երևանի բարեկարգմանն ուղղված քաղաքապետարանի ծրագրին` աջակցելով Կիևյան կամրջի լուսավորության աշխատանքներին:

Յունիբանկը մասնակցել է ԼՂՀ-ում 700 զույգերի համատեղ պսակադրության և հարսանյաց հանդիսությանը:

Բանկն օժանադակել է կոմպոզիտոր Գարի Քյոսայանի ձայնասկավառակների թողարկմանը, ֆինանսական աջակցություն է ցուցաբերել Ռուբեն Հախվերդյանի հոբելյանական համերգի և Ռաֆայել Քոթանջյանի ստեղծագործական երեկոյի կազմակերպմանը: Բանկի հովանավորությամբ սկավառակի վրա թողարկվել է «Գարեգին Նժդեհ» փաստավավերագրական ֆիլմը, հրատարակվել է Կիմ Բակշիի «Արցախի հոգևոր գանձերը» գիրքը:

Մեծ ուշադրություն է հատկացվում նաև սպորտային ծրագրերին, որի շրջանակներում աջակցություն է ցուցաբերվել սամբոյի մանկական մրցաշարին, սփյուռքահայության շրջանում թենիսի մրցաշարի կազմակերպմանը: