Պատմությունը


Պատմությունը

«Յունիբանկը» Հայաստանի առաջատար և ամենապահանջված բանկերից մեկն է, որն իր հաճախորդներին առաջարկում է ժամանակակից ծառայությունների լայն տեսականի: 24 տարվա արդյունավետ աշխատանքի շնորհիվ բանկն արժանացել է բնակչության վստահությանը և գործընկերների շրջանում ձեռքբերել անթերի գործարար համբավ:


Յունիբանկն իր գործունեություն է սկսել 2001թ.-ին: Յունիբանկի զարգացման հիմնական ուղղություներն են՝ մանրածախ բիզնեսը, ՓՄՁ-ներին աջակցությունը, private banking-ը և միջազգային հաշվարկները: Բանկն ունի 51 մասնաճյուղ և 100-ից ավելի պրոմո կետ: Յունիբանկի ծառայություններից օգտվում է Հայաստանի աշխատունակ բնակչության գրեթե մեկ երրորդը:

Յունիբանկն առաջինը Հայաստանում անցկացրեց IPO և տեղաբաշխեց իր արժեթղթերը բորսայում: 2022թ.-ին Յունիբանկը ճանաչվեց Բաժնետոմսերի լավագույն տեղաբաշխող` Բորսայի կորպորատիվ արժեթղթերի տեղաբաշխման համակարգով:

Բանկն ակտիվորեն օգտագործում է ֆինանսական տեխնոլոգիաներն ու նորամուծությունները՝  ժամանակակից սպասարկում ապահովելու համար: Լինելով մանրածախ շուկայի առաջատարներից մեկն է՝ Յունիբանկը գործարկել է արհեստական բանականության վրա հիմնված վարկային սքորինգ: Բանկի հաճախորդների համար արդեն հասանելի են Apple Pay և Google Pay անհպում վճարումները: 2022թ.-ի արդյունքներով Visa-ն Յունիբանկին շնորհել է Strong partnership in driving cashless մրցանակը:

Դեկարբոնացման նպատակով կանաչ էներգիային անցումը Յունիբանկի զարգացման ռազմավարության հիմնական բաղադրիչներից մեկն է: Յունիբանկի տվյալների մշակման կենտրոնն այժմ ամբողջությամբ սնուցվում է արևային էներգիայով:

ESG Sustainalytics ոլորտում առաջատար վերլուծական ընկերության փորձագետները ներկայացրել են երկրորդ կողմի կարծիքը Յունիբանկի «կանաչ» պարտատոմսերի թողարկման հայեցակարգի վերաբերյալ և հաստատել դրա համապատասխանությունը միջազգային չափանիշներին և Green Bonds Principles 2021-ի պահանջներին:

Յունիբանկի private banking-ը՝  Յունիբանկ Պրիվեն, ճանաչվել է լավագույնը Հայաստանում՝ ըստ Euromoney Global Private Banking Awards 2023-ի: 


Նշանակալի իրադարձություններ

2025 Moody’s-ը բարձրացրեց Յունիբանկի ավանդների երկարաժամկետ վարկանիշը մինչև B1, հեռանկարը՝ կայուն:
Յունիբանկը թողարկեց 3,9 մլրդ դրամի բաժնետոմսեր:
Յունիբանկը 2024թ. համար բաժնետերերին վճարեց 7,8 մլրդ ՀՀ դրամի շահութաբաժիններ:
UBPay-ը դարձավ iSend և URemit դրամական փոխանցման համակարգերի գործընկեր:
Յունիբանկն առաջին անգամ Հայաստանում թողարկեց անժամկետ պարտատոմսեր:
Բացվեց Յունիբանկի «Զորավար Անդրանիկ» մասնաճյուղը:
Վերաբացվեցին Յունիբանկի «Թիվ 47», «Սիսիան», «Մալաթիա», «Էրեբունի», «Արտաշատ» և «Վանաձոր» մասնաճյուղերը:
Երևանում բացվեց Unibank Invest-ի նոր գրասենյակը:
Visa-ն Յունիբանկին շնորհեց Strategic Partnership Award 2025 մրցանակը:
Mastercard-ը Յունիբանկին շնորհեց Enhancement in Payment Solutions մրցանակը:
Յունիբանկի աջակցությամբ Երևանում տեղի ունեցավ FINTECH360 10-րդ հոբելյանական միջազգային համաժողովը:
Յունիբանկը դարձավ «Երևանյան երկխոսություն» միջազգային ֆորումի հովանավոր:
Յունիբանկը դարձավ BAFT 2025 Asia Bank to Bank ֆորումի հովանավոր:
Յունիբանկը դարձավ Ֆինանսավորման և առևտրի հարցերով բանկիրների ասոցիացիայի (BAFT) անդամ:
Յունիբանկը միացավ FinTech Armenia ասոցիացիային՝ որպես հիմնադիր անդամ:
Յունիբանկը դարձավ «Ալաշկերտ» ֆուտբոլային ակումբի ոսկե հովանավորը:
Երևանում անցկացվեց «Unibank Cup» ֆուտզալի միջազգային մրցաշարը:
Յունիբանկը դարձավ Velosolutions UCI Pump Track միջազգային մրցաշարի Հայաստանի փուլի հովանավոր:
Յունիբանկի հովանավորությամբ Հայաստանում անցկացվեց ժայռամագլցման բաց առաջնություն:
2024

VISA-ն և Յունիբանկը իրականացրեցին Փարիզի Օլիմպիական խաղերին նվիրված արշավ:
Յունիբանկը դարձավ Կենտրոնական և Արևելյան Եվրոպայի երկրների բանկային ասոցիացիայի (BACEE) անդամ:
Յունիբանկը միացավ ՀՀ լիզինգատուների ասոցիացիային:
Բացվեցին Յունիբանկի «Բայրոն» և «Դալմա» մասնաճյուղերը:
Վերաբացվեցին Յունիբանկի «Աջափնյակ», «Բագրատունյաց» և «Աշտարակ» մասնաճյուղերը:
UBPay համակարգը միացավ IAMTN միջազգային ասոցիացիային:
Յունիբանկը գործարկեց մոբայլ հավելված անհատ ձեռնարկատերերի և իրավաբանական անձանց համար:
Յունիբանկը Հայաստանում առաջինը թողարկեց ստորադաս պարտատոմսեր:
WEALTH Navigator Awards 2024. Յունիբանկը ճանաչվեց պրեմիում հաճախորդների համար լավագույն բանկ ԱՊՀ երկրներում:
AMX մրցանակաբաշխությանը Յունիբանկը լավագույնը ճանաչվեց «Բորսայում բաժնետոմսերի լավագույն թողարկող» և «Լավագույնը բաժնետոմսերի երկրորդային շուկայում» անվանակարգերում:
Visa-ն Յունիբանկին շնորհեց Olympic Games Sponsorship Excellence Award մրցանակը:
2023 Յունիբանկի private banking-ը՝ Յունիբանկ Պրիվեն, ճանաչվեց լավագույնը Հայաստանում՝ ըստ Euromoney Global Private Banking Awards 2023-ի Visa-ն Յունիբանկին շնորհեց Pinnacle Partnership մրցանակը:
Յունիբանկը դարձավ Հայաստանի ըմբշամարտի ֆեդերացիայի գլխավոր հովանավոր:
Յունիբանկը և «Մատենա» միջազգային բիզնես դպրոցը դարձան գործընկերներ:
Յունիբանկը դարձավ Ֆրանսիա-Հայաստան առևտրաարդյունաբերական պալատի (Ֆրանսիա-Հայաստան ԱԱՊ) անդամ:
Յունիբանկը գործարկեց Google Pay ծառայությունը:
Յունիբանկը գործարկեց Visa Direct նոր ծառայությունը:
Բացվեց նոր «Մխչյան» մասնաճյուղը:
Յունիբանկի աջացկությամբ Երևանում կայացավ FINTECH360 միջազգային համաժողովը:
Յունիբանկի հովանավորությամբ հիմնադրվեց նոր սպորտային ակումբ՝ Unisport-ը:
Յունիբանկի ֆուտզալի թիմը դարձավ Fastex Ֆինանսաբանկային Կոնֆերենցիայի չեմպիոն:
2022 Երևանում բացվեց Յունիբանկի «Հայրենիք» մասնաճյուղը:
Տաշիր քաղաքում բացվեց Յունիբանկի նոր մասնաճյուղը:
Apple Pay-ը հասանելի դարձավ Յունիբանկի հաճախորդների համար:
Visa-ն Յունիբանկին շնորհեց Strong partnership in driving cashless մրցանակը:
Sustainalytics-ի վերլուծաբանները հաստատեցին Յունիբանկի Green Bond Framework-ի  համապատասխանությունը միջազգային չափանիշներին:
Յունիբանկը դարձավ «Համահայկական ինտելեկտուալ շարժման» մշտական գործընկեր:
Յունիբանկի աջակցությամբ Պոլիտեխնիկում բացվեց թվային բանկինգի լաբորատորիա:
2021 Յունիբանկի տվյալների մշակման կենտրոնը սկսեց աշխատել կանաչ էներգիայով:
Raiffeisen Bank International-ը Յունիբանկին շնորհեց «Որակի գերազանցություն 2020» մրցանակը:
Կայացավ Յունիբանկի 20-ամյակին նվիրված ինտելեկտուալ խաղերի փառատոն:
Յունիբանկի արտոնյալ բաժնետոմսերը տեղաբաշխվեցին Հայաստանի ֆոնդային բորսայում:
Էրեբունի համայնքում բացվեց Յունիբանկի «Արին բերդ» մասնաճյուղը:
Sme banking club-ը Յունիբանկին ընդգրկեց լավագույն բիզնես վարկեր առաջարկող բանկերի ցուցակում:
Յունիբանկը ճանաչվեց Հայաստանի ֆոնդային բորսայի լավագույն նորարար անդամ:
2020 Յունիբանկն արժանացավ Visa-ի «Sustainability Icon» մրցանակին:
Ապարանում բացվեց Յունիբանկի մասնաճյուղը:
Բացվեց Յունիբանկի «Սիսիան» մասնաճյուղը:
Յունիբանկը գործարկեց արհեստական բանականության վրա հիմնված վարկային սքորինգ:
2019 Բացվեցին Յունիբանկի «Գևորգ Չաուշ», «Նորագավիթ», «Իսակով», «Գուգարք» և «Արարատ» մասնաճյուղերը:
VLV Electronics Էլեկտրատեխնիկայի խանութների ցանցը Յունիբանկին ճանաչեց որպես 2019թ. լավագույն գործընկեր:
SME Banking Club-ը Յունիբանկին շնորհել է Most Innovative Bank 2018 հավաստագիրը:
Յունիբանկը արժանացավ Visa միջազգային վճարային համակարգի մրցանակին «Largest Visa Issuance in Armenia» անվանակարգում` թողարկված քարտերի քանակով Հայաստանում առաջատարը լինելու համար:
Յունիբանկը շարունակեց իրականացնել սահմանամերձ շրջանների դպրոցներին աջակցության ծրագիրը:
Սիսիանի Շաղատի միջնակարգ դպրոցի մարզադահլիճը համալրվեց նոր մարզագույքով, իսկ ձյուդոյի խմբակի մարզումների համար տրամադրվեց տատամի:
2018 Յունիբանկը և Հայաստանի արտահանման ապահովագրական գործակալությունը կնքեցին համագործակցության համաձայնագիր:
Յունիբանկը, սոցիալական պատասխանատվության քաղաքականության շրջանակներում, սկսեց իրականացնել դպրոցների բարեկարգման և կահավորման ֆինանսավորման ծրագիր:
Յունիբանկը և FMO-ն սկսեցին «Կանայք բիզնեսում» վարկավորման ծրագրի իրականացումը:
ՀՀ մշակույթի նախարարության նախաձեռնությամբ և Յունիբանկի աջակցությամբ տեղի ունեցավ դուդուկի աշխարհահռչակ վարպետ Ջիվան Գասպարյանի 90- ամյակին նվիրված հոբելյանական համերգ:
Յունիբանկն իրականացրեց պարտատոմսերի 4 թողարկում` տեղաբաշխելով 1 մլրդ ՀՀ դրամ և 5 մլն ԱՄՆ դոլար գումարի պարտատոմս:
2017 «Յունիբանկ» ԲԲԸ-ի հասարակ (սովորական) անվանական բաժնետոմսերն ապացուցակվել են և տեղափոխվել ազատ շուկա (C):
Յունիբանկին հանձնվեց PCI DSS 3.2 ստանդարտի պահանջներին համապատասխանության հավաստագիրը:
Յունիբանկի աջակցությամբ Արամ Խաչատրյանի համերգասրահում կայացավ պատանի երաժիշտների`«Վարպետները կերտում են վարպետներ» սիմֆոնիկ համերգը:
Յունիբանկի պատվիրակությունը մասնակցեց Պրահայում կայացած CyberCentral համաժողովին:
Բակո Սահակյանը «Յունիբանկ» ԲԲԸ-ի Խորհրդի նախագահ Գագիկ Զաքարյանին պարգևատրեց «Վաչագան Բարեպաշտ» մեդալով:
Հայաստանի բանկերի միությունը Յունիբանկի Խորհրդի և Վարչության նախագահներ Գագիկ Զաքարյանին և Վարդան Աթայանին պարգևատրեց «Տիգրան Մեծ» հուշամեդալով:
Մեսրոպ Հակոբյանը զբաղեցրեց բանկի Վարչության նախագահի պաշտոնը:
Յունիբանկն առաջինը Հայաստանում հաջողությամբ անցավ SWIFT -ի ատեստավորումը:
2016 Յունիբանկն անցում կատարեց «Պրոտոբեյզ Լաբարատորիզ» ընկերության կողմից մշակված նոր ProtoCRM համակարգին:
Յունիբանկն առաջին անգամ թողարկեց դոլարային անվանական արժեկտրոնային պարտատոմսեր, որոնք ցուցակվեցին «ՆԱՍԴԱՔ ՕԷՄԷՔՍ ԱՐՄԵՆԻԱ»-ում և ընդգրկվեցին պարտատոմսերի հիմնական (Abond) ցուցակում:
Յունիբանկը գործարկեց Տվյալների մշակման ժամանակակից կենտրոն, որն իրենից ներկայացնում է ունիվերսալ տեղեկատվական ենթակառուցվածք, որը նախատեսված է սերվերային, ցանցային և կոմունիկացիոն սարքավորումների տեղաբաշխման և անխափան աշխատանքի ապահովման համար:
Moody’s Investors Service միջազգային գործակալությունը հաստատեց Յունիբանկի դրամով և արտարժույթով երկարաժամկետ ավանդների B3 վարկանիշը` կանխատեսումը դարձնելով «պոզիտիվ»:
Յունիբանկը տոնեց է իր հիմնադրման 15-ամյակը:
Յունիբանկի սովորական անվանական բաժնետոմսերը «ՆԱՍԴԱՔ ՕԷՄԷՔՍ Արմենիա»-ի երկրորդային (B) ցուցակից տեղափոխվեցին հիմնական (A) ցուցակ:
Աթենքում կայացած «Ապագայի բանկ 2016» միջազգային համաժողովում Յունիբանկը ճանաչվեց «Տարվա գործընկեր»:
Յունիբանկի Խորհուրդը որոշում ընդունեց բանկի սովորական անվանական բաժնետոմսերի սեփականատերերին վճարել միջանկյալ շահութաբաժիններ ընթացիկ տարվա հունվար-սեպտեմբեր ժամանակահատվածի համար` սովորական անվանական բաժնետոմսերի տեսքով:
Յունիբանկի ընդհանուր կապիտալը գերազանցեց 35,2 մլրդ ՀՀ դրամը:
2015 «Յունիբանկ» ՓԲԸ-ն վերակազմավորվեց «Յունիբանկ» բաց բաժնետիրական ընկերության:
Moody's հաստատել է Յունիբանկի վարկանիշը /B2/. կանխատեսումը` կայուն:
SWIFT փոխանցումների բարձր որակ ապահովելու համար Raiffeisen Bank International- ի կողմից Յունիբանկն արժանացել է «Որակի գերազանցություն» (RBI STP Quality Awards) մրցանակին:
Յունիբանկը ներդրեց ISO 27001:2013 միջազգային ստանդարտների պահանջին համապատասխան տեղեկատվական անվտանգության կառավարման համակարգ:
Յունիբանկը դարձավ Դեպոզիտար համակարգի հաշվի օպերատոր և կարգավորվող շուկայում հաշվարկային համակարգի անդամ:
Համագործակցություն սկսեց Եվրոպական ներդրումային բանկի (EIB) հետ:
«ՄԵՐԿՈՒՐԻ» ամենամյա մրցանակաբաշխությանը Յունիբանկը լավագույնը ճանաչվեց Հայաստանի «Ժողովրդական բանկ» անվանակարգում:
«Յունիբանկը» հաջողությամբ ավարտվեց սովորական անվանական բաժնետոմսերի (UNIB) առաջնային տեղաբաշխումը` մոտ 2,5 մլրդ ՀՀ դրամ:
2014 Համագործակցություն հաստատեց Համաշխարհային բանկի խմբի անդամ Միջազգային ֆինանսական կորպորացիայի (IFC) և Առևտրի և զարգացման Սևծովյան բանկի (BSTDB) հետ: Համագործակցություն սկսեց Intel Express դրամական փոխանցումների միջազգային համակարգի հետ: Մեկնարկեց Unibank Prive ծառայությունը
2013 Յունիբանկը գործարկեց սեփական պրոցեսինգային կենտրոնը:
Ներդրեց ավտոմատացված սկորինգի և փաստաթղթաշրջանառության համակարգ:
2012 Thomson Reuters միջազգային կորպորացիան Յունիբանկին շնորհել է Հայաստանում «Լավագույն դիլինգ բանկ 2012» կոչումը:
2011 Յունիբանկը մասնակցեց Ասիական Զարգացման Բանկի առեւտրի ֆինանսավորման ծրագրին:
Բանկը կանոնադրական կապիտալը համալրեց մինչև 11 400 մլն ՀՀ դրամ:
2010 Moody’s վարկանիշային գործակալությունը Յունիբանկին շնորհեց միջազգային վարկանիշ, կանխատեսում` կայուն:
2009 Յունիբանկի մասնաճյուղային ցանցը միացվեց տվյալների միասնական բազային:
2008 Յունիբանկը դարձավ ՀՀ ֆոնդային բորսայի անդամ:
Բանկի կանոնադրական կապիտալը համալրվեց մինչեւ 8 599 մլն ՀՀ դրամ:
2007 Յունիբանկը համալրեց կանոնադրական կապիտալը մինչեւ 5 599 մլն ՀՀ դրամ:
Ներդրվեց ABN AMRO բանկի ռիսկերի կառավարման ծրագիրը:
2006 Յունիբանկը դարձավ IFAD-ի գյուղական վայրերում ներդրումների խթանման ծրագրի, ինչպես նաեւ SMEDNC հիմնադրամի փոքր եւ միջին բիզնեսի զարգացման ծրագրի մասնակից:

Թարմացված է` 15/08/25 15:34

© 2026 UNIBANK | ALL RIGHTS RESERVED.